God Delusion!

      ეს ნამდვილად დარვინის შემდეგ ყველაზე დიდი ბიოლოგის (ალბათ არ ვაჭარბებ) რიჩარდ დოვკინსის წიგნის სახელია "God Delusion". მის საპატივცემულოდ.

     ციტატა: დეკანოზი ლევანი: დინოზავრები ადამიანებთან ერთად ცხოვრობდნენ. ქრისტესშობის შემდეგაც და შეიძლება ახლაც არიან. ამის მაგალითებია ზღაპრების დრაკონები, რომლებიც სინამდვილეში დინოზავრები იყვნენ, საქართველოშიც ცხოვრობდნენ: დავით გარეჯელმა დინოზავრი შემუსრა. წმ. გიორგიმაც დინოზავრი მოკლა, მერე ქალაქში წაათრია და მოსახლეობას აჩვენა...

მე ბევრი ვიცინე ზემოთ მოყვანილი ციტატა რომ მანახეს. მაგრამ ეგ ყველაფერი საცოდაობა უფროა სასაცილოზე მეტად. გესმით ხალხო გონება გახსნილი მამაო ოცდამეერთე საუკუნეში დინოზავრისა და ადამიანის თანაცხოვრებაზე ლაპარაკობს. არ ვიცი სერ არტურ კონანდოილის ვინაა, მაგრამ ვინცაა ერთი წვერგაუპარსავი, გაუნათლებელი, ერთუჯრედიანი ფანატიკოსია (ჩემი და არა მარტო ჩემი აზრით)...

ძალიან სამწუხარო ის არის, რომ მხოლოდ ერთეულები არ არიან ასეთები და ყველა შეიძელება ასეთი საყოველთაო იდიოტიზმით არ გამოხატავდნენ, მაგრამ არც სხვები არიან ნაკლებები. 

მე ათეისტი ვარ.

ეს არც მოწოდებაა, არც "მარიაჟობა", არც ვინმეს შეურაცხყოფა. ჩემი ათეიზმი იმას ეფუძნება, რომ რაღაც მიზეზების არსებობის გამო რაღაც დასკვნები გამოვიტანე. იმას, რომ არ გავჩერდი ერთ მარადიულ პასუხზე: ეს ყველაფერი ღმერთმა შექმნდა და მისი ნებაა და განვაგრძე ძიება მეტის, წავიკითხე მეტი, გავიგე, ვიფიქრე და მივხვდი თუ რაოდენ დიდი სისულელეა ეს ყველაფერი. (ალბათ ახლა ქრისტიანებმა განაჩენი გამომიტანეთ, მაგრამ ბოლომდე წაიკითხეთ!)

გეომეტრიის აქსიომები ვინმეს ინტერესს რომ ეხებოდეს, მათ უეჭველად უარყოფდნენ.

/ალბერტ აინშტაინი/

რელიგიის ყველაზე დიდი შეცდომა ისაა, რომ ძიებას არ აგრძელებს. ოცდამეერთე საუკუნეში მცხოვრები ადამიანისთვის (გონიერი ადამიანისთვის) ადვილი მისახვედრია, რომ ბიბლია ერთი დიდი ზღაპრების და მითების წიგნია და სამყარო ძვ.წ. 4004 წელს არ დაწყებულა. ღმერთსაც სამყარო 6 დღეში არ შეუქმნია და ადამიანი ღმერთის გაჩენილ-გაკეთებული არაა. იგი მაიმუნისაგან წამოვიდა, როგორც ყველაზე დიდი ბიოლოგი დარვინი ამბობდა და ამტკიცებდა. თუ ამაში ეჭვი გეპარება სარკეში ჩაიხედე, ანაც კიდევ ასე ფიქრი გააგრძელე და საიდან წამოვიდა დაივიწყე მაგრამ იმას მაინც ნახავ საით წახვალ- ისევ მაიმუნისაკენ!

რელიგია ადამიანს ბავშვობაშივე უკლავს იმ ინტერესს და სწრაფვას მეტად შეიცნოს სამყარო. პასუხი, რომ სამყარო და ყველაფერი ღმერთმა შექმნა ძალიან მარტივია. და ბავშვის ლოგიკურ კითხვაზე: მაშინ ღმერთი ვიღამ შექმნაო? პასუხი ასეთია: იგი სულ იყო არის და იქნებაო. მაშინ სამყარო რატომ არ შეიძლება სულ ყოფილიყო? არ შეიძლება ამით ადამიანის გონების დეგრადაცია, მაგრამ სამწუხაროდ ხშირ შემთხვევაში ასე ხდება და ეს საშინელებაა. მეცნიერება პასუხებს ფაქტებზე, მიზეზებზე დაყრდნობით იძლევა, თუ რამე უპასუხოდაა იმაზე ცდილობს პასუხის გაცემას. არ მოგიწოდებს დაჯექი! კითხვები არ დასვა ყველაფრის პასუხი ღმერთიაო! 

მამაოს, რომ შეეკითხო ღმერთი სამყაროს შექმნამდე რას აკეთებდაო? ალბათ პასუხი ასეთი იქნება: იქამდე, შვილო, ღმერთი ჯოჯოხეთს აკეთებდა მათთვის ვინც ასეთ კითხვებს დასვამდაო.  იცით მე გულწრფელად არ მესმის იმ ხალხის (ზრდასრულების მაინც) ვისაც ჯოჯოხეთისა და სამოთხის არსებობა კიდევ უტყუარი და ყველაზე დიდი ჭეშმარიტება გონიათ. ღმერთი კი თეთრ სამოსში გამოწყობილი ბოროტი მოსამართლე, რომელსაც მეტი საქმე არ აქვს მთელი ცხოვრება გიყურებს და შენს საქციელს ბლოკნოტში იწერს... ან უკვე ლეპტოპი ექნება ოცდამეერთე საუკუნეა!

მე არ ვამბობ რომ ბრმად დაკარგოთ ამ ყველაფრის რწმენა თუ გაქვთ რასაკვირველია. ყველას გთხოვთ, რომ ერთხელ დაინტერესდეთ თუნდაც რაიმე სამეცნიერო წიგნის წაკითხვით სამყაროზე, ის დამიჯერეთ შეგიცვლით წარმოდგენას. (ვიცი ახლა ფიქრობთ, რომ თქვენ რწმენას ვერაფერი შეარყევს და მაინც მანდ იქნებით, მაგრამ ცადეთ! ერთ დროს მეც ეგრე ვიყავი ღმერთის არსებობაში დარწმუნებული.) ღმერთის არსებობას 100%-ით ახლაც არ გამოვრიცხავ (მხოლოდ 99,999999% -ით გამოვრიცხავ), მაგრამ ის ღმერთი, რომელიც შეიძლება რეალობასთან ახლოს იყოს რათქმაუნდა დედამიწურ რელიგიებთან და უამრავი თქვენთაგანის რწმენასთან არაფერ შუაშია.

ერთხელ ცადეთ, იქნებ მერე იფიქროთ, რომ ადრე ცდებოდით და რა სისულელეების გჯეროდათ. თუნდაც ეინშტაინის, დარვინის თუ მარკ ტვენის ხათრით. წაიკითხეთ დარვინის ევოლუციაზე, ზიგმუნ ფროიდის წიგნები, რიჩარდ დოწკინსის God Delusion (საოცარი წიგნია). და ა.შ. იქნებ თუნდაც რიჩარდ დოწკინსის არგუმენტებმა აზრი შეგიცვალოთ... ვინ იცის.

ერთმა ძველმა მეგობარმა რამოდენიმე დღის წინ ანტი-ათეისტური სტატია წამაკითხა. სადაც ათეიზმი სრულიად არასწორად იყო მოხსენიებული და მთავარი არგუმენტი მის წინააღმდეგ ის იყო, რომ არ შეიძლება ადამიანი იძახდეს, არ ვიცი არის თუ არ არის ღმერთი და როგორ უნდა მწამდეს მისიო. რათქმაუნდა ჩემი ათეისტობის მიზეზი ბევრად უფრო ღრმაა და მრავალ ფაქტზე და მიზეზე დაფუძნებული, მაგრამ თუნდაც ეგრე იყოს, ჩემი აზრით ის უფრო დიდი უაზრობაა იმის გწამდეს რაც არ იცი არის თუ არა. (ეგ ისეთი რამე გამოდის - ვაიმე რომ იყოს მერე რა მეშველება- ჯოჯოხეთი მელისო)

დღეს მაგ ძველ ნაცნობს სკოლაში შევხვდი და ვუთხარი ეგ სტატია დიდი მარაზმი იყო მეთქი. რა მიპასუხა?! ღმერთი არსებობსო! საიდან იცი მეთქი ვკითხე. პასუხი კი იყო ასეთი : ვიცი! კიდევ გაუმეორე საიდან მეთქი. უბრალოდ მე ვიციო. აი ასეთი ბრმა რწმენა დამღუპველია, როდესაც რაიმე უბრალო მაგალითი და არგუმენტიც კი ვერ მოგყავს ( მეც კი შემიძლია ბევრი არგუმენტი მოვიყვანო თუნდაც ქრისტიანობის და რელიგიის დასაცავად.) მაგრამ აბა ჩემ ძველ ნაცნოოობს.... ზუსტად მაგიტოა ძველი!!! 

განაგრძეთ კითხვების დასმა და მაგ კითხვებზე -ღმერთმა შექმნას- გარდა სხვა პასუხების ძებნა! იქნებ უფრო საინტერესო რამეს მიაგნოთ... ან თუნდაც ერთ დღეს მიხვდეთ, რომ ღმერთი თქვენ თვითონვე ხართ...!!!

ამ პოსტს დიდ მკრეხელობაში ჩამითვლით (ყველანი არა რათქმაუნდა!). ხოდა თუ მკრეხელობაა დაე ილოცეთ ცოდვილისთვის ცოდვები იქნებ მიუტევოს მან წვერებიანმა ზე-კაცმა... :)) არ განსაჯო! - ეს მე არ მითქვამს... იესომ თქვა!

და გთხოვთ ცადეთ და მეტად იფიქრეთ, მეტი წაიკითხეთ და მეტი, მეტი და მეტი შეკითხვები დასვით! არ მოგერიდოთ... შიშზე და ავტორიტეტებზე დაფუძნებული რამ მალე დაინგრევა და თქვენც შიშს მოერევით!

ყველა რელიგია დაფუძნებულია მრავალთა შიშზე და ცოტათა გამჭრიახობაზე.

    /სტენდალი/

ნუ გეშინიათ! მეც მეშინია! :)))

მუდამ თქვენი (მხოლოდ ღმერთის ანუ არავის მონა-მორჩილი) გუგა ნიუტონი (ვიცი ნიუტონი რომ თეისტი იყო! მაგრამ.... მაგრამ ვაშლი????)

Think again...

sapere aude!